傾城

我 + Terence + Ann 去 APA 睇香港話劇團《新傾城之戀 2005》，comment︰無話可說~﹗
呢次係我第二次睇 (上次係 3年前的首演)，但一來由於舞台設計、安排唔同上次，二來人大 0左幾年，感受、領會又唔同 0左，所以…感覺不亞於上次﹗

劉雅麗的演繹更流暢動聽，蘇玉華就更不在話下，舉手投足，眉梢眼底，活現何謂「全世界最美麗的中國女人」，令人不得不傾倒於其石榴裙下… ( 開始明白點解我咁鍾意佢啦~？Hee~) 梁家輝一樣好睇，不過…每個人對角色都有不同的詮釋，今次我見到一位瀟灑風流，但略感輕挑的范柳原，而我心目中的范柳原，會多幾分深沉，有點似《亂世佳人》的奇勒基寶－比較貼近上次謝君豪的演繹。
當然，我絕對唔排除當中包含對後者的偏愛~ 有人會係天生屬於舞台，站在台上的光芒，會令你雙眼捨不得離開…謝君豪便是一例︰無法解釋！
(所以如果06年係謝君豪再演的話，我真係會考慮再睇…但而家呢~ 未必肯俾 $ lu…)



耍盡心機要得到的，究竟是愛情還是愛情背後的一切？
是真是假，分不清楚…
范柳原挖心掏肺的想白流蘇明白時，我聽懂了他的話，明白他的恐懼和悲哀…
同是天涯淪落人…

最後，故事好像回到原點，一切都沒有變 － 但一切都不同了。
那一刻的愛情，已經足夠流蘇活個三五十年。。。

不在乎天長地久，只在乎一瞬相知……