邊城

YEAH~!!!Thank you Mandy~

意外地趕在最後一日睇到《邊城》~ 01年演戲家族首演時已經想睇 (中同們還記得我 Econ.書頁封底，漫山紅花的鄉郊畫嗎？正是當時《邊城》的宣傳單張~ ^^)，但因著各樣原因錯過了...

看的時候有點心散，因為惹起我想起別的... 但總結，挺不錯的演出。

但唔明... 放假出文化中心睇戲都撞到 Jimmy... 香港太細？還是我哋太有緣？呢個 sem Jimmy 冇教我哋，但見得佢仲多...

喜歡睇話劇，我成日都話，拉我去睇話劇比拉我去睇電影容易得多~

唔係有 d 咩專業認識，亦唔係要扮高深扮型；實際上，話劇亦唔一定等於艱澀難明...
只係好喜歡置身於劇場的感覺。

有人會覺得睇話劇好骨痺，感覺好造作...

但睇住台上演員現場的演出，時而互動時而抽離，感覺... 這就是生命。忽遠忽近，強烈的生命。有人覺得多數話劇要換景，少了個一氣呵成；

偏偏是這些轉折，在劇場內，全場燈滅，讓人可以有個獨立而安靜的空間，好好地思考。世界驀地變得單一。

不過，所有原因其實不過源於一點：I love it. Just that simple.

＊好似話 07年謝君豪重演《還魂香》呀~~~~~ MUST-watch performance~!!!! 期待~~