《戀戀筆捨》

尋晚，幾經波折，終於都睇 0左大專劇劇節。
一半係因為已經好耐冇睇drama，另一半係要去捧中同場~

大專戲劇，一樣可以搵到中學時代話劇的影子︰往往，好容易因為太多msg想講，又或者多到唔知點表達，而令到一個劇，長，但唔太知想點。
一邊睇，一邊懷念以前中學的日子 — 無論係寫抑或演，似乎都已經係一d好耐冇經歷，亦唔見得再會有機會經歷 0既感覺。

機會，稍縱即逝。

而現實係，任你有再大既想法，戰爭的悲壯或是生命的不自主，冇錢，冇製作，最後可見的就只有力不從心的無奈。

既然如此，倒不如簡單d︰冇common background，咁就講愛情，大家一聽到都會少少豎起耳仔 0既題目…

戀戀筆捨。

愛情，永遠可以俾人一個最美麗 0既perception︰一切，可以好似童話故事一樣，幸福快樂，直到永遠。

然而理想，是否你想？

當你只願意改變對方，一切由自己運籌帷幄，盡在股掌中，這，還算是愛情？

只知道改變對方，為何從未想過倒過來，改變你自己？

可怕的，是有人始終寧願一廂情願，一輩子活在自己編寫的謊言裡，甚至，連別人的一生也一起毀掉。

從來，我們只在意「開始」和「結局」，然後塗掉兩者之間，所存在的一切。





非常欣賞舞台設計，tension亦好好，有一點想嗌 0既感覺…！


最後想講 0既係，家誌，我真心覺得你係屬於舞台的。